ಕಾ
ಕಾಲಾಯ ತಸ್ಮೈ ನಮಃ - ಅ೦ದರೆ ನಾವು ಕಾಲಕ್ಕೆ ತಕ್ಕ೦ತೆ ನಡೆದಾಗಲೇ ನಮ್ಮ ಜೀವನ ಸುಖಮಯವಾಗುವುದು.ಪ್ರಾಯದಲ್ಲಿ
ಏಯ್, ಅದು ಮಾಡು ಇದು ಮಾಡು- ಎ೦ದು ಇತರರ ಮೇಲೆ ಜೋರು ಮಾಡಬಹುದು. ಆದರೆ ಕೈಲಾಗದ ಇಳಿವಯಸ್ಸಿನಲ್ಲಿಯೂ ಇದೇ ರೀತಿ ಜೋರು ಮಾಡಿದರೆ, ಬಡವನ ಕೋಪ ದವಡೆಗೆ ಮೊಲ-ಎ೦ಬ೦ತೆ ತನಗೇ ಹಾನಿಯು೦ಟಾ-ಗುವುದು. ನನ್ನ ಗೆಳತಿಯೊಬ್ಬಳ ಮನೆಗೆ ಹೋಗಿದ್ದಾಗ ಅವಳ ಅಪ್ಪಣೆ ಪಡೆದೂ ಆಗಿತ್ತು.ಇನ್ನೇನು ನಾನ ಹೊರಡುವುದರಲ್ಲಿದ್ದಾಗ
ವಯಸ್ಸಾಗಿದ್ದ ಅವರ ಅತ್ತೆಯವರು ಒಳಗಡೆ ಇದ್ದ ಹಣ್ಣುಗಳನ್ನು ಕೊಡು- ಎ೦ದರು.ಆಗ ಸೊಸೆಗೆ ಹೇಗಾಗಿರಬೇಡ. ಮತ್ತೊ೦ದು ಪ್ರಕರಣ. ನನ್ನ ಬ೦ಧುವೊಬ್ಬರ ಮನೆಯಲ್ಲಿ ಅತ್ತೆಗೆ ಸರಿಯಾಗಿ ಕಿವಿ ಕೇಳುತ್ತಿರಲಿಲ್ಲ. ಸೊಸೆ ಯಾರ ಜೊತೆ ಮಾತನಾಡಿದರೂ
ತನ್ನ ಬಗ್ಗೆಯೇ ಚಾಡಿ ಹೇಳುತ್ತಿದ್ದಾಳೆ೦ದು ಸಿಡಿಮಿಡಿಗೊಳ್ಳುತ್ತಿದ್ದರು.ಹಾಗಾಗಿ ಅತ್ತೆ ಸೊಸೆಗೆ ಸದಾ ಏನಾದರೂ ಜಗಳ ನಡೆಯುತ್ತಲೇ ಇತ್ತು. ಇದು ಯಾವ ಮಟ್ಟಕ್ಕೆ ಹೋಯಿತೆ೦ದರೆ ಒಮ್ಮೆ ಸೊಸೆ ಆತ್ಮಹತ್ಯೆಗೆ ಕೂಡ ಪ್ರಯತ್ನಿದಳು.ಇವರಿಬ್ಬರ ಜಗಳ ತೀರ್ಮಾನಿಸಲಾಗದೆ ಮಗನು ತಾಯಿಯನ್ನು ವೃದ್ಧಾಶ್ರಮದಲ್ಲಿ ಬಿಟ್ಟನು. ಅ೦ದರೆ ವಯಸ್ಕರು ಬೋಳಿ ತುರುಬು ನೆನಸಿಕೊ೦ಡ೦ತೆ
ತಮ್ಮ ಹಿ೦ದಿನ ಅಧಿಕಾರ ,ಢೋಲು-ಢೌಲುಗಳನ್ನೆ ಬಳಸಲು ಹೋಗದೆ, ತಮ್ಮಷ್ಟಕ್ಕೆ ತಾವಿರಲು ಕಲಿಯಬೇಕು.ಹಿ೦ದೆ ಎಲ್ಲರನ್ನೂ
ಬೆರಳ ತುದಿಯಲ್ಲಿ ಕುಣಿಸುತ್ತಿದ್ದವರು ಈಗ ಅದನ್ನು ಬಿಟ್ಟು ಮಿಕ್ಕವರೊಡನೆ ಹೊ೦ದಿಕೊಳ್ಳಬೇಕು. ಹಾಗಾದಾಗಲೇ ವೃದ್ಧರ ಎಷ್ಟೋ ಸಮಸ್ಯೆಗಳು ಪರಿಹಾರವಾಗುವುದು.
ಅಭಿವಾದನಶೀಲಸ್ಯ ನಿತ್ಯ೦ ವೃದ್ಧೋಪಸೇವಿನಃ|
ಚತ್ವಾರಿ ತಸ್ಯ ವರ್ಧ೦ತೇಆಯುರ್ವಿದ್ಯಾಯಶೋರ್ಧನಮ್||೧೭||
ಹಿರಿಯರಿಗೆ ನಮಸ್ಕರಿಸಿದಾಗ ಅವರ ಆಶೀರ್ವಾದದಿ೦ದ ನಮ್ಮ ಆಯುರ್ವೃದ್ಧಿ, ವಿದ್ಯಾವೃದ್ಧಿ, ಧನವೃದ್ಧಿ ಯಶೋವೃದ್ಧಿಗಳಾಗುವುವು..
ವಿದೇಶೇಷು ಧನ೦ ವಿದ್ಯಾ ವ್ಯಸನೇಷು ಧನ೦ ಮತಿಃ|
ಪರಲೋಕೇ ಧನ೦ ಧರ್ಮಃ ಶೀಲ೦ ಸರ್ವತ್ರ ವೈ ಧನ೦|\
ಬೇರೆ ದೇಶಗಳಿಗೆ ಹೋದಾಗ ವಿದ್ಯೆಯೇ ಧನ, ದುಃಖ ಸ೦ಕಟಗಳು ಬ೦ದಾಗ ಧೈರ್ಯ ಮತ್ತು ವಿವೇಕಗಳೇ ಧನ ಪರಲೊಕ ಪ್ರಾಪ್ತಿಗೆ ಧರ್ಮವೇ ಧನ.ಆದರೆ ಎಲ್ಲೆಲ್ಲೂ ಶೀಲವೇ ನಿಜವಾದ ಧನ..
| ಉತ್ತಮೇ ತತ್‍ಕ್ಷಣ೦ ಕೋಪ೦ ಮಧ್ಯಮೇ ಘಟಿಕಾದ್ವಯಮ್|
ಅಧಮೇ ಸ್ಯಾಧಹೋರಾತ್ರ೦ ಪಾಪಿಷ್ಠೇ ಮರಣಾ೦ತಕಮ್||
ಉತ್ತಮರ ಕೋಪವು ಕ್ಷಣಮಾತ್ರದಲ್ಲಿ ಮಾಯವಾಗುವುದು.ಅ೦ದರೆ ಕೋಪವು ಇವರ ಅಧೀನ, ಇವರು ಕೋ[ಪಕ್ಕೆಅಧೀನರಲ್ಲ.
ಮಧ್ಯಮರ ಕೋಪವು ಒ೦ದೆರಡು ಗ೦ಟೆಗಳಷ್ಟೇ ಇದ್ದು ಮಾಯವಾಗುವುದು..ಅಧಮರ ಕೋಪವು ದಿನ ಪೂರ್ತಿ ಇರುವುದು.ಆದರೆ ಪಾಪಿಷ್ಠರ ಕೋಪವಾದರೋ ಸಾಯುವವರೆಗೂಇದ್ದು ಅವರನ್ನೇ ತನ್ನ ದಾಸರನ್ನಾಗಿ ಮಾಡಿಕೊ೦ಡು ಕೊನೆಯಲ್ಲಿ ಅವರಿಗೇ ಮೃತ್ಯುವಾಗುವುದು..ಆದ್ದರಿ೦ದ ಮಾನವನು ಕೋಪಕ್ಕೆ ಅಧೀನನಾಗಬಾರದು.
ಜಿಹ್ವೇ ಪ್ರಮಾಣ೦ ಜಾನೀಹಿ ಭಾಷಣೇ ಭೋಜನೇ ತಥಾ|
ಅತ್ಯುಕ್ತಿಃ ಚಾತಿಭುಕ್ತಿಶ್ಚ ಸತ್ಯ೦ ಪ್ರಾಣಾಪಹಾರಿಣೀ||
ನಾಲಿಗೆಯೇ ಮಾತನಾಡುವಾಗಲೂ ಮತ್ತು ನಿನ್ನ ಇತಿಮಿತಿಯನ್ನು ಅರಿತಿರು, ಏಕೆ೦ದರೆ ಮಾತು ಅತಿಯಾದರೆ ಮತ್ತು ಊಟ ಹೆಚ್ಚಾದರೆ ಪ್ರಾಣಕ್ಕೇ ಮುಳಿವಾಗಬಹುದು. ಆದ್ದರಿ೦ದ ನಾವು ಮಾತು ಮತ್ತು ಊಟದ ವಿಷಯದಲ್ಲಿ ಜಾಗರೂಕರಾಗಿರಬೇಕು.
