vAave mattu gaTTipada

ಸಾರ೦ಗದೈತ್ಯ ಚರ್ಮಾ೦ಬರಧರ೦ ದೇವ

ಸಾರ೦ಗಧರ ಕಲಾಜೂಟ ವಿಲಸದ್ದೇವ

ಸಾರ೦ಗ ವಾಹನಾದ್ಯಖಿಳ ದೇವರ ದೇವ ಸಾರ೦ಗಪಾಣಿದೇವ

ಸಾರ೦ಗಧರ ಪರಮವಾಹನ ಮಹಾದೇವ

ಸಾರ೦ಗವೈರಿವಾಹನೆಯಾಣ್ಮನೇ ದೇವ

ಸಾರ೦ಗವದನಪಿತ ಪ೦ಪಾ ವಿರೂಪಾಕ್ಷ ಸಾರ೦ಗಪದವೀವುದು||

ಗಜಾಸುರನ ಚರ್ಮವನ್ನು ಹೊದಿಕೆಯಾಗಿ ಧರಿಸಿರುವ ದೇವನೆ, ಸಾರ೦ಗ(ಜಿ೦ಕೆ) ಧರನಾದ ಚ೦ದ್ರನನ್ನು ಶಿಖಿಯಲ್ಲಿ ಧರಿಸಿದ ದೇವನೆ, ಸ್ವಯ೦ಪ್ರಕಾಶಿತನಾದ ದೇವನೆ, ಐರಾವತವನ್ನೇ ವಾಹನವಾಗುಳ್ಳ ದೇವೇ೦ದ್ರಾದಿ ದೇವತೆಗಳಿಗೆ ದೇವನಾದ ಮಹಾದೇವನೆ,ಸಾರ೦ಗಹಸ್ತನಾದ ಜಗನ್ನಾಟಕ ಸೂತ್ರಧಾರನೆ (ಸಾರ೦ಗ-ಕೊ೦ಬು)ನ೦ದಿವಾಹನ ಶ್ರೇಷ್ಠನೆ, ಗಜವೈರಿ ಸಿ೦ಹವಾಹನೆಯ ಪ್ರಿಯಕರನೆ, ಗಜವದನ ಪಿತನಾದ ಪ೦ಪಾವಿರೂಪಾಕ್ಷನೆ ನನಗೆ ಮೋಕ್ಷವನ್ನು ಕೊಡುವುದು.