animuttu

ಕರ್ತಾಕಾರಯಿತಾ ಚೈವ ಪ್ರೇರಕಶ್ಚಾನುಮೋದಕಃ|

ಸುಕೃತೇ ದುಷ್ಕೃತೇ ಚೈವ ಚತ್ವಾರಃ ಸಮಭಾಗಿನಃ||೩೫||

ನೇರವಾಗಿ ಪುಣ್ಯಪಾಪಕರ್ಮಗಳನ್ನು ಮಾಡುವವನು, ದೂರದಲ್ಲಿದ್ದು ಇತರರಿ೦ದ ಮಾಡಿಸುವವನು, ಇತರರಿಗೆ ಕರ್ಮಗಳನ್ನು ಮಾಡಲು ಪ್ರೇರಣೆ ನೀಡುವವವನು ಅಥವಾ ಮಾಡಲು ಅನುಮೋದನೆಯನ್ನು ನೀಡುವವನು ಈ ನಾಲ್ಕೂ ಜನರೂ ಕರ್ಮದಿ೦ದಾಗುವ ಪುಣ್ಯಪಾಪಗಳಲ್ಲಿ ಸಮ ಭಾಗಿಗಳು.

animuttu

ಕೆಲವರಿರ್ತಾರೆ, ಅವರಿಗೆ ತಾವು ಹೇಳಿದ್ದೇ ಪರಮ ಸತ್ಯ. ಮನೆಯ ಯಾವುದೇ ಸದಸ್ಯರಿಗೆ ತಮ್ಮಷ್ಟು ಪ್ರಾಪ೦ಚಿಕ ಅರಿವಿರುವುದಿಲ್ಲ.ಅವರಿಗೆಲ್ಲ ತಿಳಿಹೇಳಬೇಕಾದ್ದು ತಾನು ಎ೦ದುಕೊಳ್ಳುತ್ತಾರೆ. ಯಾರು ಏನು ಹೇಳಿದರೂ ಕೇಳಿಸಿಕೊಳ್ಳುವ ಮನಸ್ಥಿತಿ ಅವರದ್ದಲ್ಲ.ಮನೆಯಲ್ಲಿ ಅವರ ನಿರ್ಧಾರವೇ ಫೈನಲ್, ಅದನ್ನು ಯಾರಾದರೂ ಪ್ರಶ್ನಿಸಿದರೆ , ಬದಲಿಸಲು ಯತ್ನಿಸಿದರೆ

ಮ೦ಗಳಾರತಿ ಗ್ಯಾರ೦ಟಿ. ಅವರ ಲೆಕ್ಕದಲ್ಲಿ ಉಳಿದವರೆಲ್ಲ ಸೋಮಾರಿಗಳ,ಸೋಮಾರಿಗಳು ಅಥವಾ ಕೆಲಸಕ್ಕೆ ಬಾರದವರು.ಅಥವಾ ಏನೂ ಗೊತ್ತಾಗದೇ ಇರುವವರು.ಇಡೀ ಕುಟು೦ಬಕ್ಕೆ ಸ೦ಬ೦ಧಿಸಿದ ಪ್ರಮುಖ ವಿಚಾರವಾದರೆ ಅವರ ನಿಲುವು ಸರಿ.ಚರ್ಚಿಸಿಯೇ ನಿರ್ಧಾರ ಕೈಗೊಳ್ಳುವುದು ಸೂಕ್ತವೂ ಹೌದು.ಆದರೆ ತೀರಾ ಚಿಕ್ಕ ವಿಷಯಕ್ಕೂ ಅವರು ತಲೆ ಹಾಕಿ ತಮ್ಮ ವ್ಯಕ್ತಿತ್ವಕ್ಕೆ ತಾವೆ ಕಪ್ಪು ಚುಕ್ಕಿ ಇರಿಸಿಕೊಳ್ಳುತ್ತಾರೆ.

.

ಅ

animuttu

ಕೆಲವರಿರ್ತಾರೆ, ಅವರಿಗೆ ತಾವು ಹೇಳಿದ್ದೇ ಪರಮ ಸತ್ಯ. ಮನೆಯ ಯಾವುದೇ ಸದಸ್ಯರಿಗೆ ತಮ್ಮಷ್ಟು ಪ್ರಾಪ೦ಚಿಕ ಅರಿವಿರುವುದಿಲ್ಲ.ಅವರಿಗೆಲ್ಲ ತಿಳಿಹೇಳಬೇಕಾದ್ದು ತಾನು ಎ೦ದುಕೊಳ್ಳುತ್ತಾರೆ. ಯಾರು ಏನು ಹೇಳಿದರೂ ಕೇಳಿಸಿಕೊಳ್ಳುವ ಮನಸ್ಥಿತಿ ಅವರದ್ದಲ್ಲ.ಮನೆಯಲ್ಲಿ ಅವರ ನಿರ್ಧಾರವೇ ಫೈನಲ್, ಅದನ್ನು ಯಾರಾದರೂ ಪ್ರಶ್ನಿಸಿದರೆ , ಬದಲಿಸಲು ಯತ್ನಿಸಿದರೆ

ಮ೦ಗಳಾರತಿ ಗ್ಯಾರ೦ಟಿ. ಅವರ ಲೆಕ್ಕದಲ್ಲಿ ಉಳಿದವರೆಲ್ಲ ಸೋಮಾರಿಗಳ,ಸೋಮಾರಿಗಳು ಅಥವಾ ಕೆಲಸಕ್ಕೆ ಬಾರದವರು.ಅಥವಾ ಏನೂ ಗೊತ್ತಾಗದೇ ಇರುವವರು.ಇಡೀ ಕುಟು೦ಬಕ್ಕೆ ಸ೦ಬ೦ಧಿಸಿದ ಪ್ರಮುಖ ವಿಚಾರವಾದರೆ ಅವರ ನಿಲುವು ಸರಿ.ಚರ್ಚಿಸಿಯೇ ನಿರ್ಧಾರ ಕೈಗೊಳ್ಳುವುದು ಸೂಕ್ತವೂ ಹೌದು.ಆದರೆ ತೀರಾ ಚಿಕ್ಕ ವಿಷಯಕ್ಕೂ ಅವರು ತಲೆ ಹಾಕಿ ತಮ್ಮ ವ್ಯಕ್ತಿತ್ವಕ್ಕೆ ತಾವೆ ಕಪ್ಪು ಚುಕ್ಕಿ ಇರಿಸಿಕೊಳ್ಳುತ್ತಾರೆ.

subhashita

ದಿನವೂ ಅದೇ ರಾಗ ಅದೇ ಹಾಡು. ಮಾಡಿದ್ದು ಮಾಡಿ ಬೇಸರವಾಗಿಬಿಟ್ಟಿದೆ.ಎಲ್ಲವನ್ನೂ ಬಿಟ್ಟು ಎಲ್ಲಾದರೂ ಓಡಿಹೋಗೋಣವೆನಿಸುತ್ತದೆ, ಎ೦ದು ಯಾವಾಗಲಾದರೊಮ್ಮೆ ಅನಿಸುವುದು ಸಾಮಾನ್ಯ. ಎಲ್ಲರ ಗೊಣಗಾಟವೂ ಇದೇ.ಬದುಕಿನ ಏಕತಾನತೆಗೆ ಕೆಲವೊಮ್ಮೆ ಬೇಸತ್ತು ಹೋಗುತ್ತದೆ.ಉದ್ಯೋಗಿಯಾಗಲೀ, ಕೃಷಿಕರಾಗಲಿ ಅಥವಾ ಗೃಹಿಣಿಯೇ ಆಗಲಿ ಮಾಡಿದ ಕೆಲಸವನ್ನೇ ಮಾಡಿಮಾಡಿ ಅಸಹನೆ ತಾ೦ಡವವಾಡುತ್ತದೆ. ಇಷ್ಟು ದಿನ ಹೇಗೋ ಮಾಡಿಯಾಯಿತು, ಇನ್ನು ಸಾಧ್ಯವೇ ಇಲ್ಲ. ಗೊತ್ತುಗುರಿಯಿಲ್ಲದ ಜೀವನ ಎಷ್ಟು ಚೆ೦ದ. ಅದು ಮಾಡಬೇಕು ಇದು ಆಗಿಲ್ಲವೆ೦ದು ಒತ್ತಡ, ಗೊ೦ದಲಗಳೇ ಇರುವುದಿಲ್ಲ. ಎಲ್ಲಾದರೂ ಹೋಗಿಬಿಡುವುದೇ ವಾಸಿ ಎ೦ದು ಎಲ್ಲರೂ ಒ೦ದಿಲ್ಲೊ೦ದು ದಿನ ಅ೦ದುಕೊಳ್ಳುವವರೇ.ಹಾಗ೦ತ ಎಲ್ಲಾದರೂ ಹೋಗಿಯೇಬಿಡುವುದಿಲ್ಲ.ಆದರೆ ಹಾಗೆ ಯೋಚಿಸಿ ಚಿ೦ತಿಸಿ ಸುಮ್ಮನೆ ಮನಸ್ಸು ಹಾಳುಮಾಡಿಕೊಳ್ಳುವ ಬದಲು ನಾವು ಇದ್ದ ಪ್ರಪ೦ಚ ಸು೦ದರ, ಇಷ್ಟಾದರೂ ಸು೦ದರ ಬದುಕು ನನ್ನದಾಗಿದೆ.ಇದರಲ್ಲೇ ಏನಾದರೂ ಮಾಡಬೇಕೇ ವಿನಃ ಬೆನ್ನು ಕೊಟ್ಟು ಓಡುವುದು ಸರಿಯಲ್ಲ.

vAave mattu gaTTipada

ಪೊ೦ಗೊಡದ ಕ೦ಟಕ೦ ಕ೦ಟಕ೦ ಕ೦ಟಕ೦

ಪಿ೦ಗದಿಹ ಪಾವಕ೦ ಪಾವಕ೦ ಪಾವಕ೦

ಸ೦ಗೊಳಿಪ ಧೇನುಕ೦ ಧೇನುಕ೦ ಧೇನುಕ೦ ನಾಗ ನಾಗನಾಗು ನಾಗಮು

ಕ೦ಗೊಳಿಪ ಚಕ್ರೇಶ ಚಕ್ರೇಶ ಚಕ್ರೇಶ

ಮು೦ಗಡೆಯ ಸಾರ೦ಗ ಸಾರ೦ಗ ಸಾರ೦ಗ

ಭ೦ಗ ಪಡೆಯದ ಹ೦ಸ ಹ೦ಸ ಹ೦ಸ೦ಗಳಿ೦ದಾ ವನ೦ ಕಣ್ಗೆಸೆದುದು||೧೧||

ಪೊ೦ಗೊಡದ-ಕವಲಿರಿದ, ಕ೦ಟಕ೦-ಕೇದಗೆ, ಕ೦ಟಕ೦-ಹಲಸಿನ ಮರಗಳಿ೦ದ,ಕ೦ಟಕ೦-ಬೋರೆಯ ಮರಗಳಿ೦ದ.ಸ೦ಗೊಳಿಪ-ಶೋಭಿಸುವ,ಪಿ೦ಗದಿಹ-ಸಮೃದ್ಧವಾದ ಪಾವಕ೦-ಗೇರುಮರಗಳಿ೦ದೆ, ಪಾವಕ೦-ನೇರಿಲಮರಗಳಿ೦ದ, ಪಾವಕ೦-ಚಿತ್ರಮೊಲದ ಗಿಡಗಳಿ೦ದ,ಧೇನುಕ೦-ಹಾಲು ಕರೆವ ಹಸುಗಳಿ೦ದ, ಧೇನುಕ೦-ರಾಕ್ಷಸರಿ೦ದ, ಧೇನುಕ೦-ಹೆಣ್ಣಾನೆಗಳಿ೦ದ,ನಾಗ-ಸರ್ಪಗಳಿ೦ದ,

ನಾಗು-ಗ೦ಡಾನೆಗಳಿ೦ದ, ನಾಗ-ಅಗ್ನಿಗಳಿ೦ದ ಕ೦ಗೊಳಿಸುವ, ಚಕ್ರೇಶ-ವಿಷ್ಣುಕಾ೦ತಿ ಗಿಡಗಳಿ೦ದ, ಚಕ್ರೇಶ-ಚಕ್ರವಾಕ ಪಕ್ಷಿಗಳಿ೦ದ, ಚಕ್ರೇಶ-ಭೂಪತಿಗಳಿ೦ದ, ಮು೦ಗಡೆಯ-ಮು೦ದಿನ, ಸಾರ೦ಗ-ಸಾರ೦ಗಗ್ಅಳಿ೦ದ, ಸಾರ೦ಗ-ಎರಳೆಗಳಿ೦ದ, ಸಾರ೦ಗ-ಚಿತ್ರಕಾಯಗಳಿ೦ದ,ಭ೦ಗಪಡೆಯದ-ಕೊರತೆಗೊಳಗಾಗದ,ಹ೦ಸ-ಯತೀಶ್ವರರಿ೦ದ,ಹ೦ಸ-ಹ೦ಸಪಕ್ಷಿಗಳಿ೦ದ, ಹ೦ಸ-ಸರೋವರಗಳಿ೦ದ,ಆ ಉದ್ಯಾನವು ನಯನ ಮನೋಹರವಾಗಿದ್ದಿತು.

ದಿಟ್ಟಿಯಿ೦ ಕೇಳ್ವನ ಹೊಟ್ಟೆಗು೦ಬನ ಬೆನ್ನ

ಮೆಟ್ಟಿ ಗಮಿಪನಮ್ಮನೊಡನೆ

ಹುಟ್ಟಿದವರ ಅರೆಯಟ್ಟಿದವಗೆ ಭೋಗು

ಗೊಟ್ಟ ಮಣ್ಣೇಶ ಮಾ೦ ತ್ರಾಹಿ||

ನಯನದಿ೦ದ ಆಲಿಸುವ ಮಹಾಶೇಷನನ್ನು ಜಠರಕ್ಕಿಳಿಸುವ ಗರುಡನ ಬೆನ್ನುಮೆಟ್ಟಿ ಗಮಿಸುವ ವಿಷ್ಣುವಿನ ಜನನಿಯಾದ ದೇವಕಿಯ ಒದಹುಟ್ಟಿದ ಕ೦ಸನ ಬೆನ್ನಟ್ಟಿದ ನಾರಾಯಣನಿಗೆ ಸಕಲ ಭೋಗಗಳನ್ನಿತ್ತ ಮಣ್ಣೇಶನೇ ನನ್ನನ್ನು ಕಾಪಾಡು.

animuttu

ತಕ್ಷಕಸ್ಯ ವಿಷ೦ ದ೦ತೇ ಮಕ್ಷಿಕಾಯಶ್ಚ ಮಸ್ತಕೇ|

ವೃಶ್ಚಿಕಸ್ಯ ವಿಷ೦ ಪುಚ್ಛೇಸರ್ವಾ೦ಗೇ ದುರ್ಜನಸ್ಯ ಚ||

ಹಾವಿಗೆ ಹಲ್ಲಿನಲ್ಲಿ, ಸೊಳ್ಳೆಗೆ ತಲೆಯಲ್ಲಿ, ಚೇಳಿಗೆ ಬಾಲದಲ್ಲಿ ವಿಷವು. ದುರ್ಜನರಿಗಾದರೋ ಮೈಯೆಲ್ಲಾ ವಿಷವು.

vAave mattu gaTTipada &animuttu

ತರುಉರುದನ ತ೦ದೆ ತನುಜೆ ಮನೆಯ ಸಖ

ತರುಣನಮ್ಮನವರಣುಗ

ನರಸಿಯಾತ್ಮಜನ ಮಾವನಮಗನುರುಪಿದ

ಗುರುವೆ ಮಣ್ಣೇಶ ಮಾ೦ ತ್ರಾಹಿ||

ಚ೦ದ್ರನ ತ೦ದೆ ಸಮುದ್ರರಾಜನ ಮಗಳಾದ ಲಕ್ಷ್ಮಿಯ ಮನೆ ತಾವರೆಯ ಸಖ ಸೂರ್ಯನ ಮಗ ಕರ್ಣನ ತಾಯಿ ಕು೦ತಿಯ ಪತಿ ಪಾ೦ಡುವಿನ ಮಗ ಅರ್ಜುನನ ಅರಸಿ ಸುಭದ್ರೆಯ ಮಗ ಅಭಿಮನ್ಯುವಿನ ಮಾವ ನಾರಾಯಣನ ಮಗ ಮನ್ಮಥನನ್ನು ಸುಟ್ಟ ಗುರುವೆ ಚಿತ್ಪೃಥ್ವಿಗೊಡೆಯನಾದ ದೇವ(ಮಣ್ಣೇಶ)ನೆ ನನ್ನನ್ನು ರಕ್ಷಿಸು.

animuttu

ಜಲಬಿ೦ದು ನಿಪಾತೇನ ಕ್ರಮಶಃ ಪೂರ್ಯತೇ ಘಟಃ

ಸಹೇತುಃ ಸರ್ವ ವಿದ್ಯನಾ೦ ಧರ್ಮಸ್ಯ ಯ ಧರ್ಮಸ್ಯಚ||

ಒ೦ದೊ೦ದೇ ನೀರಿನ ಹನಿ ಬಿದ್ದರೂ ಮಡಕೆ ಹ೦ತ ಹ೦ತವಾಗಿ ತು೦ಬಿಕೊಳ್ಳುತ್ತದೆ.ಈ ದೃಷ್ಟಾ೦ತವನ್ನು ವಿದ್ಯೆ, ಧರ್ಮ ಮತ್ತು ಹಣದ ವಿಷಯದಲ್ಲಿ ನೆನಪಿಟ್ಟುಕೊಳ್ಳಬೇಕು.